Namangan viloyati hokimi Shavkat Abdurazakov yig‘ilishda «kranli» o‘yin avtomatlarini yanada qat’iy tartibga solish, jumladan, ularni litsenziyalashni joriy etish ehtimolini muhokama qildi. Uning ta’kidlashicha, o‘quvchilar tobora ko‘proq ovqat uchun berilgan pullarni sarflamoqda, holbuki bir urinish narxi 2000 so‘m, yutuqni qo‘lga kiritish ehtimoli esa taxminan 1 ga 16 deb baholanadi.
Viloyat rahbarining so‘zlariga ko‘ra, bunday avtomatlar bolalarning psixologiyasi va xulq-atvoriga salbiy ta’sir ko‘rsatib, ularda qimorbozlik hissini uyg‘otishi mumkin. Shu bilan birga, Abdurazakov kompyuter klublari faoliyati ustidan nazoratni ham kuchaytirishga chaqirdi:
«Bolalar kechalari kompyuter klublarida o‘tirishadi. Kitob o‘qishmaydi. Bu ham asta-sekin "xbet"ga aylanib boryapti. Ayrim kompyuter klublarida bolalarga bevosita "xbet" havolasini berishadi», — dedi Abdurazakov.
